Piktor dhe skenograf. Rreth 40 vjet si pedagog. Dekan i Fakultetit të Skenografisë në Institutin e Lartë të Arteve në Tiranë. Agim Zajmi është skenografi më i vlerësuar në teatrin shqiptar, duke krijuar mbi 300 skenografi dhe më shumë se 3,000 kostumografi. Bashkëpunimi i tij më frytdhënës ishte me regjisorin Pirro Mani, me të cilin realizoi mbi 40 skenografi. “Teatri bëhet i bukur edhe me gjëra të thjeshta, kur e do. Teatri është shtëpia ime. Teatri është magji…,” tha Zajmi gjatë një dokumentari për të në vitin 1994, i drejtuar nga Albert Minga.
Skenografia e parë e Zajmit ishte opera “Carmen”.
“Kjo operë u shfaq për herë të parë në skenën shqiptare më 5 Prill 1962. Kompozitor Georges Bizet, libreto Henri Meilhac dhe Ludovic Halévy. Dirigjent Mustafa Krantja, regjisor Mihal Luarasi, skenograf Agim Zajmi, kor-master Kostandin Trako, koreograf Panajot Kanaçi,” shkruan Teatri Kombëtar i Operës dhe Baletit në rastin e ripërshtatjes së saj në vitin 2021, me protagonistë të ndryshëm.
“Si rezultat, rritja e aktivitetit teatral që nga vitet 1950 u shoqërua me një kërkesë në rritje për skenografi më profesionale që përmbushnin kërkesat e kohës. Pas skenografëve të improvizuar të viteve 1950, si V. Mio, R. Daberdaku dhe I. Hidri, vitet 1960 shënuan ardhjen e skenografëve të parë profesionistë si Shaban Hysa, Agim Zajmi dhe Hysen Devolli. Në vitet 1970, kreativiteti i këtyre artistëve arriti kulmin, ndërsa kritika e viteve pasuese do të nxirrte në pah skenografi funksionale si puna e Sh. Hysës në ‘Shoqja nga fshati’ dhe ‘Furrnalta’, dhe skenografia piktoriale e Agim Zajmit në ‘Besa e madhe’, ku zgjidhjet volumetrike dhe funksionale të skenografisë përshtateshin me veprën sipas kërkesave të kohës,” shkruan Dr. Ermir Hoxha në librin e tij shkencor, Art in Albania from 1945 to 2000.
Çmimi i Parë i Galerisë Kombëtare të Arteve të Shqipërisë për “Fusha e Kosovës” (1989). Çmimi i Dytë i Galerisë Kombëtare të Arteve të Shqipërisë për kompozicionin “Ded Gjo Luli” (1984)
Piktori i Popullit, Agim Zajmi, është fitues i shumë çmimeve kombëtare në pikturë dhe skenografi. Ai u vlerësua si “Skenografi më i mirë i vitit” nga revista Kult (2008), një çmim i dhënë nga piktori i njohur Naxhi Bakalli. Zajmi është autor i kapitullit “Problemet e Skenografisë dhe Komponentët e saj” përfshirë në veprën Theoretical Foundations of Visual Arts, një libër mësimor për studentët e Akademisë së Arteve të Shqipërisë. Veprat e tij janë ekspozuar në shumë vende të botës.
www.dashart.al, 20 korrik 2024
